నీ మందిరమై నేనుండగా

నీ మందిరమై నేనుండగా - నాయందుండి నడిపించవా

నీతోడుండగా - నాకు దిగులుండునా - వెంబడిస్తాను నినుయేసువా

నీవు కోరేటి దేవాలయం - నా హృదయంబెగా నిశ్చయం

నీ ప్రత్యక్షత నాకు కలిగించవా - నిత్యము నిన్ను స్తుతియింతును       ||నీ ||

నాడు నిర్మించె దేవాలయం - రాజుసొలోమోను బహుసుందరం

అట్టి దేవాలయం నాకు కలిగించవా - నీ కట్టడలలో నను నిలుపుమా       ||నీ ||

హన్నా ప్రార్ధనలు విన్నావుగా - నేనున్నానని అన్నావుగా

నాడు సమూయేలుతో బహుగా మాట్లాడిన దేవా నాతోటి మాట్లాడవా       ||నీ ||

ఆత్మ సత్యముతో ఆరాధింప - ఆత్మదేవుడా నేర్పించుమా

మహిమ చూపించుము నేను దర్శింపను - నా నేత్రంబు వెలిగించుమా       ||నీ ||

పరలోక ప్రతిబింబమై - ఈ ధరలోన దీపంబునై

ధరణి వెలిగించుము - కరుణ ప్రసరింపుము

కరముతో నిత్యము నడిపించుమా       ||నీ ||