ఎందుకో నన్ను నీవు

ఎందుకో నన్ను నీవు ఎన్నుకున్నావు

ఏ మంచి లేని నన్ను నీవు కోరుకున్నావు

ఆ ప్రేమకు ఫలితం సిలువ త్యాగమా

ఆ ప్రేమకు అర్ధం బలి దానమా

నిన్నెరుగక ఆనాడు దూషించి తిరిగితిని

నీ మహిమను నే కానక - అవమాన పరచితిని

నా కరములు నీవు వీడక కాపాడినది

ఈ దీనుని ధన్యునిగా చేయాలనా       ||ఎందుకో ||

ఘోర వ్యాధితో నేను రోధించిన వేళలో

దరి రాలేదెవ్వరూ నన్నాదరింపగను

ఇలలో దొరకని ప్రేమను చూపించినది

నాస్వామీ నీ సాక్షిగా ఉండాలనా       ||ఎందుకో ||

నా పాప కాడిక్రింద నలిగిపోతివి

కలువరిలో నా కొరకు కరిగిపోతివి

ఈ పాపిని పరిశుద్ధులలో చేర్చాలనా

పరమపురికి నానావ సాగాలనా       ||ఎందుకో ||