కనికరమే చూపని మహా

కనికరమే చూపని మహా మొండి లోకమని

తెలుసుకొంది నామది నీ ప్రేమను కని

ఆహా! ఎంత ప్రేమయ్యా నీది - ఆహా! ఎంత జాలయ్యానీది యేసయ్యా

ఆహా! ఎంత కరుణయ్యానీది - ఆహా! ఈ ధన్యత చాలినది

అర ఘడియైనా - కన్నుమూయక - నను చూచు ప్రేమ

అణు మాత్రమైనా - నొప్పించని - మృదువైన ప్రేమ

నీ చల్లని పిలుపుతో నను బంధించి - నీ సిలువ బాటలోకి నన్ను మరల్చితివి

మలచితివీ బలపరచితివీ - నీ సత్యమార్గములో స్థిరపరచితివి

చాలయ్యా నీకృప చాలయ్యా - 2       ||ఆహా ||

నీ రెక్కల క్రింద నాకు ఆశ్రయమిచ్చి - నీవే పోషణ చేసి ఆకలి తీర్చితివి

పిలిచితివి - కన్నీరు తుడిచితివి - నీ దివ్య మహిమతో వెలిగించితివి

చాలయ్యా నీకృప చాలయ్యా - 2       ||ఆహా ||

ప్రేమరహిత బంధుమిత్ర సోదరులంతా

నా కష్ట సమయములో చేయి విడిచినపుడు - ఓదార్చీ - నీ ఒడిచేర్చీ

నీ అభయ హస్తముతో మేలు కూర్చితివి

చాలయ్యా నీకృప చాలయ్యా - 2       ||ఆహా ||