నా ప్రాణప్రియుడా నా

నా ప్రాణప్రియుడా నా యేసు ప్రభువా

నా జీవితం అంకితం - నీకే నా జీవితం అంకితం

నీ సత్యము సమాజములో - నీ నీతిని నా హృదయములో

దాచియుంచలేను ప్రభూ

స్తుతియాగముగా నూతన గీతము నే పాడెదన్‌       ||నా ప్రాణ ||

జ్ఞానులకు నీ సందేశం - మత కర్తలకు నీ ఉపదేశం

అర్ధముకాకపోయెనే

పతితలెందరో నీ జీవజలము త్రాగితిరే       ||నా ప్రాణ ||

మా పితరులు నీయందే నమ్మికయుంచి నడిచిరిగా

వారు నీకు మొఱ్ఱపెట్టగా

వారిని రక్షించి శాశ్వత కృపను చూపితివే       ||నా ప్రాణ ||

నాశనకరమైన గుంటనుండి - పాపపుదొంగ ఊబినుండి

నన్ను లేపి నిల్పితివే

నా పాదములు క్రీస్తనే బండపై స్థిరపడెనే       ||నా ప్రాణ ||

నాయెడ నీకున్న తలంపులు - బహువిస్తారములై యున్నవి

వాటిని వివరించి చెప్పలేనే

అవియన్నియును లెక్కకు మించినవైయున్నవి       ||నా ప్రాణ ||