మధుర మధుర మధుర సేవ

మధుర మధుర మధుర సేవ - యేసుప్రభుని సేవ || మధుర ||

దేవ దూతలకును లేని - దైవజనుని సేవ

దేవ సుతుని సంఘసేవ - దివ్యమౌ సువార్త సేవ       ||మధుర ||

పరిశుద్ధాత్మ ప్రోక్షణముచే - ప్రజ్వరిల్లు సేవ

పరిమళించు వాక్యసేవ - ప్రతిఫలించు సాక్ష్య సేవ       ||మధుర ||

ప్రభుని చేర ప్రభుని ఎదుట - ప్రవచనాల సేవ

ప్రజల పేర ప్రభుని ఎదుట - ప్రార్ధనలు వచించు సేవ       ||మధుర ||

భాగ్యభోగ నిధులు లేని - భారభరిత సేవ

భాష్ప సిరులలోన మెలగి - బాధలను వరించుసేవ       ||మధుర ||

సిలువ మూర్తి కృపల జాట - సిగ్గుపడని సేవ

సిలువ నిందలనుభవింప - శిరమువంచి మురియు సేవ       ||మధుర ||

దైవ జనుడ మరువకోయి - దైవ పిలుపు నోయి

దైవనీతి వదలకోయి - దేవుడు దీవించు నోయి       ||మధుర ||