అర్పింతును దేవా నా

అర్పింతును దేవా నా సమస్తమును

నీ సన్నిధిలో సజీవ యాగముగా || అర్పింతును ||

దుర్నీతి సాధనములై బహుదోష భరితమైన

నా అవయవములన్నియు - నీతికి సాధనములుగా

ఘనమగు నీ పనికొరకే అర్పించితి యేసయ్యా       ||అర్పింతును ||

అపవిత్రమైన ఈ పెదవుల్‌ నీ సత్యవార్త చాటన్‌

విననొల్లని ఈ చెవులు నీ స్వరము వినుటకును

అర్పించితి యేసయ్య నీ అగ్నితో కాల్చుమయా       ||అర్పింతును ||

గతియించే లోకములో నశియించే ఆత్మలకై

వెతికె నేత్రమ్ములను వేదనపడు హృదయమును

పొందుటకై ఈ నేత్రములన్‌ హృదయము నర్పణ చేతున్‌       ||అర్పింతును ||

సింహాసన మహిమనుండి సిలువ మరణమునకు

విధేయత చూపిన నీ మనసును పొందుటకు

అర్పింతును యేసయ్యా అస్థిరమగు నా మనస్సు       ||అర్పింతును ||

పరిశుద్ధమైన అనుకూలమైన

సజీవయాగముగా నా శరీరమును

సమర్పించుటయే నీకు బహుయుక్తమైన సేవ       ||అర్పింతును ||