సంతసించును మా హృదయాలు

సంతసించును మా హృదయాలు - క్రీస్తుతో నడయాడన్‌

ప్రేమమయుడు యేసురాజు ప్రేమతో మము పిలువన్‌

శోధన శ్రమలలో - క్రీస్తు యేసుతో సాగెదము

స్థిర పునాదిగ యేసే మూల రాయిగా నిలచెనుగా

చేర్చబడెను ఆత్మలెన్నో క్రీస్తుదేవుని సంఘముగా       ||సంత ||

రమ్య మందిరమునకు యేసుడే నిర్మాణకుడు

పిలిచె యేసు ప్రేమతోడ - మనము జత పనివారముగా       ||సంత ||

తరుణమిదె పరికించ - తెల్లబారిన పంటదిగో

ప్రాంతీయ పొలములందు - పనలు మోయుచు సాగెదము       ||సంత ||

సర్వలోకము నందు కొండ కోనలు సీమలలో

క్రీస్తు వార్త మోసికొనుచు క్రీస్తునే ప్రకటించెదము       ||సంత ||