సాగుము సహవాసి ఆగకు

సాగుము సహవాసి ఆగకు విశ్వాసి

జీవిత భానుడు ఎపుడు గ్రుంకునో - తెలియదు పరదేశీ || సాగుము ||

భలేవింత యీ ప్రపంచపుంత

ఎన్నో దారులు - ఎన్నో నీడలు

భ్రమపడి వీడకు - బహుయిరుకైనా తిన్నని రహదారీ       ||సాగుము ||

ప్రపంచాన బ్రతుకే ఒక యాత్ర

ప్రాణానికి దేహంబొక పాత్ర

ఎపుడు జీవుడీకట్టె వీడునో - ఎరుగము సహచారి       ||సాగుము ||

విడువకు సహవాసం - వినిపించుము ప్రభువాక్యం

నడు నడు ప్రియదేశం నడిపించే ప్రభుకోసం

కల్వరిదారుల క్రీస్తు వెంటబడి అద్దరినే కోరి       ||సాగుము ||