నీవిచ్చిన వరమే ఈ జీవితం

నీవిచ్చిన వరమే ఈ జీవితం - నీ సేవకే అంకితం

నీవే పొడిగించిన అయుష్కాలము ప్రభూ జీవింతును నీకోసమే

నన్నింతగా నీవు ప్రేమించుటకు నాకే యోగ్యతలేదు ప్రభూ || నీవిచ్చిన ||

కల కాదు నీ సిలువ బలియాగము అది నా పాప పరిహారము

వెలపోసి నను కొంటివి నీ కోసమే - చిందించితివి రక్తము

నా కోసమే చేసితివి త్యాగము నీకోసమే నిల్తు నీ సాక్షినై       ||నీవిచ్చిన ||

పర్వతములు తొలగి పోయినగాని మెట్టలు తత్తరిల్లినా

నా కృప నిను విడిపోదని సెలవిచ్చితివి నీ కరములతో కాపాడితివి

నీవెంతో నమ్మదగిన వాడవు నీ వాగ్ధానం నాయెడ నెరవేర్చితివి       ||నీవిచ్చిన ||

నను ప్రేమించిన యేసుని సేవించుచు నా విశ్వాసము కాచుకొనుచూ

మంచి పోరాటమునే పోరాడుచూ పరుగిడెదను నిను చూచుచూ

త్వరలోనే నిను సంధించే కాంక్షతో ధరలో నిరీక్షణతో కొనసాగెదన్‌       ||నీవిచ్చిన ||