స్తుతించి పాడెదం

స్తుతించి పాడెదం – స్తుతుల స్తోత్రార్హుడా

ఉత్సాహించి పాడెదం – ఉదయ సాయంత్రముల్

స్తుతుల సింహాసనం మీదాసీనుడా

మా స్తుతి ఆరాధన నీకే చెల్లింతుము (2)         ||స్తుతించి||

గతకాలమంతా నీవు – మము కాచి కాపాడావు

వ్యధలన్ని తీసావు (2)

గతి లేని మాపై నీవు

మితిలేని ప్రేమ చూపి (2)

శత సంఖ్యగా మమ్ము దీవించావు          ||స్తుతించి||

కరుణా కటాక్షములను కిరీటములగాను

ఉంచావు మా తలపై (2)

పక్షి రాజు యవ్వనమువలె

మా యవ్వనమునంతా (2)

ఉత్తేజపరిచి తృప్తిని ఇచ్చావు         ||స్తుతించి||