ప్రేమంటే ప్రేమా అది

ప్రేమంటే ప్రేమా అది యేసుప్రేమ ఎక్కడా చూడలేనిది

వేరెవ్వరూ చూపలేనిది - ప్రేమంటే ప్రేమా...

హీనద్రాక్షవల్లినై భ్రష్టసంతానమై పడియున్న నన్ను

పడివెదకిన ప్రేమ, నిట్టూర్పుల ఒరవడిలో కొట్టుకుపోకుండా

జాలి చూపి చేయిచాపి బలపరచిన ప్రేమ

నా మంచి వల్లియని నను పిలచిన ప్రేమ       ||ప్రేమంటే ||

అడవి చెట్టు కొమ్మనై చేదురసపు జీవినై

కొట్టివేయబడిన నన్ను పట్టుకున్న ప్రేమ

క్రీస్తు మంచి చెట్టుకు అంటుకట్టబడినాను

క్రొత్తరసం ఇచ్చింది శక్తితో నింపింది

నిత్యజీవమార్గమైన నాయేసు ప్రేమ       ||ప్రేమంటే ||

ఎక్కడుంది ఈ ప్రేమ ఒక్క క్రీస్తునందెగా

లెక్కలేని దీవెనలను మరచిపోకు నేస్తమా

చక్కనైన ఈ మార్గం ఎప్పుడు విడనాడకు

ప్రక్కనుండి నడిపించే ప్రభుయేసుని ప్రేమ

తల్లిదండ్రి బంధుమిత్రు లివ్వలేని ప్రేమ       ||ప్రేమంటే ||