నా హృదయలోగిలిలో కొలువైన

నా హృదయలోగిలిలో కొలువైన నా స్వామి

నీ ప్రేమ కౌగిలిలో నను ఒదిగిపోనీ

అ.ప.: నీ ఆత్మతో నను నిండనీ - నీ సాక్షిగా ఇలలో నన్నుండనీ

నాలోపల సంచరించి - నాతోభుజియించి

జీవపుమార్గము చూపించి - సరిగానడిపించి

నా జీవితం వెలిగించినావా - నీ రూపమే నాలో ముద్రించినావా       ||నా హృదయ ||

బలహీనతలను హరియించి - శక్తితో దీవించి

అజ్ఞానము నిర్మూలించి - సత్యము బోధించి

నా భారమే భరియించినావా - నీ శాంతినే నాలో స్థాపించినావా       ||నా హృదయ ||

అనురాగముతో బంధించి - ఆప్యాయత పంచి

ఆనందము ననుగ్రహించి - ఆత్మీయత పెంచి

నా శోకమే తొలగించినావా - స్తుతిగానమే నాలో పలికించినావా       ||నా హృదయ ||