అద్భుతములు చేయు దేవుడు

అద్భుతములు చేయు దేవుడు - నన్ను ఆశ్చర్య మార్గములో నడుపుచున్నాడు

కరుణామయుడు కనికర సంపన్నుడు-నాజీవిత నావకు నావికుడై యున్నాడు

దుష్టశక్తులెన్నో ఎగసి వచ్చినా

లోకాశ ఇచ్ఛలను చూపించినా

ఎన్నటికీ కదలవు నీ అడుగులు జారవు

నా నీడలో నుందువని ఆనతి నిచ్చాడు

చెదరను నేను స్థిరముగా నుండెదన్‌

నిత్యము నాయేసునే ఆశ్రయింతును       ||అద్భుతములు ||

పోరాటము భయము ఆవరించినా

ఆత్మహత్య ఆలోచన అంకురించినా

క్రీస్తువలన లోకము ద్వేషించినా

రక్తసంబంధులే దూషించినా

బెదరను నేను స్థిరముగా నుండెదన్‌

నిత్యము నాయేసుతో ఆనందింతును       ||అద్భుతములు ||

ఈలోకము పలువిధాల శ్రమల వలయము

పరలోకము శాశ్వత ఆనంద నిలయము

తన నీతిని ప్రేమించే తన భక్తులను

ఎన్నటికి విడువనని వాగ్ధానమిచ్చెను

అందుకే నేను ఈమార్గము విడువను

నిత్యము నాయేసులో ఆరాధింతును

తప్పక ప్రభునామమునే ప్రకటింతును       ||అద్భుతములు ||