సేవకులం సువార్త సేవకులం

సేవకులం సువార్త సేవకులం - కాపరులం సమాజ కాపరులం

మనమంతా జతపనివారం - దేవునితో జతపనివారం

దేవునిచే పిలువబడినాం - దేశమునకై నిలువబడినాం

జాతుల బేధంలేని మనం రాజులం మరి యాజకులం

మన చిరునామం దైవజనం ఓహో సువార్తికులం       ||మనమంతా ||

అడవులలో ఎడారులలో పల్లెలలో పట్నాలలో

ప్రజలకు ప్రభు పరిచారకులం జనులకు రక్షణకారకులం

సాతానుడి సంహారకులం ఓహో సువార్తికులం       ||మనమంతా ||

అవమానాలూ అగచాట్లు - పస్తులకూ పాట్లకూ

జడియని ధైర్యశాలురం - విసుగని శాంతి ధీరులం

ఆత్మల పట్టే జాలరులం - ఓహో సువార్తికులం       ||మనమంతా ||

సంస్థా భేదములు వీడి - సహవాసంబుగా కూడి

ప్రాణమిత్రులుగా ఆప్తులుగా - ప్రభువునందు సహదాసులుగా

కలిసుందాం - కలుసుకుందాం - ఓహో సువార్తికులం       ||మనమంతా ||

నశియించే మనదేశాన్ని రక్షించే బాధ్యులం

భారత క్రైస్తవ వీరులం - సంఘాలలో ప్రభుదూతలం

వీధుల సువార్త వ్రాతలం - ఓహో సువార్తికులం       ||మనమంతా ||