మనసంతా నీ ఊహలే

మనసంతా నీ ఊహలే - యేసయ్యా

మదినిండా నీ ఊసులే - మెస్సీయా

ఈ జీవితాన నిను చుడాలన్నదే

నా .... హృదిలోని ధృడమైన వాంఛయ్యా

వడివడిగా సాగుతున్న - ఒంటరియైన పయనంలో

నిష్టూరాల నిట్టూర్పులలో - విశ్వాసమిచ్చి నిలిపితివి

వాగ్ధానముతో వదలక నడిపి

అబ్రాహాముకు ఆదరణైతివా జీవనాధారమా       ||ఆదరించే ||

తోడులేక నీడలేక - కలలే చెదరిన వేళలో

సందేహాలలో - అపాయాలలో - పోరాట పఠిమను ఇచ్చితివి

ఉన్నత పిలుపుతో చేరపిలిచి

మోషేకు మహిమను చూపిన ఘననాయకుడా       ||ఆదరించే ||

గురినెరుగక గానుగ మాటున - పిరికి తనపు పయనంలో

శత్రువు చేతికి చిక్కినవాడై - కలతచెంది యున్నపుడు

భయమును బాపి - ధైర్యమునిచ్చీ

గిద్యోనును సరిగా నిలిపిన - విజయవీరుడా       ||ఆదరించే ||

ఆదరించే దేవుడా - నీలో ఆనందించెద

ప్రేమ చూపే నాధుడా - నిన్నే నే ప్రకటించెద