పల్లె పల్లెల్లో పట్టణాల

పల్లె పల్లెల్లో పట్టణాల మూలల్లో

వాడ వాడల్లో సొగసైన మేడల్లో

యేసు వార్త చాటను పదరో తమ్ముడా

నాకేమని అనబోకురో

ఈ సువార్త అసలు వినని జనులెందరో

యేసు లేక నశియించు ప్రజలెందరో

ప్రకటించే బాధ్యత నీమీద ఉన్నది

దారి చూపే భారం నీకీయబడినది

యేసయ్య నిజ దేవుడని ఎలుగెత్తి చాటరో       ||పల్లె ||

నువ్వు మాత్రం తెలుసుకొని ఊరకుంటావా

సొంత పనులు చూసుకొంటూ సంతసిస్తావా

కోతెంతో వున్నా పనివారు లేరని

అడుగుచున్నాడేసు తన పని చేయమని

యేసయ్యను నమ్ముకోమని ఎలుగెత్తి చాటరో       ||పల్లె ||

రాకడకు గురుతులు కనిపించు చుండగా

అంతం అతి దగ్గరగా వచ్చుచుండగా

సమయం అసమయమనక సందేహపడక

దొరికిన అవకాశమేది జారవిడువక

యేసయ్య తిరిగొస్తాడని ఎలుగెత్తి చాటరో       ||పల్లె ||