నడ్చి నడ్చి వెల్గులో

నడ్చి నడ్చి వెల్గులో - యేసుతో హల్లెలూయ - నిల్చిననే నిల్తుగా - యేసుతో హా...

త్రోవలోనే నలియగా జీవధారలన్‌ - త్రాగించి దీర్చుసేదన్‌ || నడ్చి ||

ప్రభుయేసుని అడుగులలోనేగి - ప్రతినిత్యము నేమది స్తుతియించి

పరిశుద్ధాత్ముని వెల్గులో - పరమపురిన్‌ జేరెదన్‌       ||నడ్చి ||

కర్తయేసుని కాంతిలో నేగెదను - కారుచీకటి క్రమ్మిన కడుదీనతన్‌

కాలుమోపుచు మదిస్తుతిగానముతో - కరుణాళునిన్‌ జేరిసాగెదన్‌       ||నడ్చి ||

కర్తయేసుని కాంతిలో నేగెదను - నిత్యమాయన స్వరమునే వినుచు

స్వరమిచ్చెద నీకని నేబల్కుచు - కృపనాధుండేసునితో       ||నడ్చి ||

ఆ యేసుని కాంతిలో నేగెదను - అలసి సొలసిన సాయము నొందును

అది సుఖము దుఃఖము చావైన - ఆయేసుతో వెళ్ళెదన్‌       ||నడ్చి ||

కర్తయేసుని కాంతిలో నేగెదను - కన్నులాతని వైపున నిల్చెను

కడవరకునే నాయన జెండాను - కరమొప్పనెత్తెదను       ||నడ్చి ||