రక్షణ పొందితివా

రక్షణ పొందితివా - నిరీక్షణ నొందితివా

బ్రతుకిల మారినదా - నీ భారం తీరినదా....

ఎన్నాళ్ళు ఈ పాపపు బ్రతుకు - ఎందాక ఈ శాపపు పరుగు,

అంతము మరణమెగా - నీ అంతము నరకమెగా...       ||రక్షణ ||

ఆగదు సమయం నీ రక్షణకై - ఆగదు మరణం నీ కోరికపై

అనువగు సమయమిదే - నీ రక్షణ సుదినమిదే...       ||రక్షణ ||

ఎన్నాళ్ళుగ ప్రభునెదిరించితివో - ఎంతగ ప్రభుని విసిగించితివో

కొంచెము యోచించు - నీవించుక గమనించు...       ||రక్షణ ||

పాపమునుండి తిరుగుమునేడు - పాపిని ప్రభువా మన్నించుమనీ,

పరితాపము పొంది - ప్రార్థించుము ఈ దినమే...       ||రక్షణ ||

ప్రేమామయుడు - ప్రభువగు క్రీస్తు

ప్రాణము పెట్టెను సిలువలో - నీకై

పాపము తొలగించున్‌ - నీ శాపము పరిమార్చున్‌       ||రక్షణ ||