వందనం మా యేసువా

వందనం మా యేసువా - వందనం మా ప్రభువా

నిన్ను మేము సేవింతుము - నిత్యము నిన్నే స్తుతియింతుము

నీ నామమునే ఘనపరతుము - నీ ఆజ్ఞలను మేము పాటింతుము

అన్ని నామముల కన్నా - మిన్నైన మా యేసువా

మన్నింపమమ్మిలలో - మహిమను వదలితివీ       ||వందనం ||

శాపాల శోకాలతో - పాపాల పాశాలతో

పడియుండిన మమ్మును - విడిపింప వచ్చితివి       ||వందనం ||

సిలువపై నీ త్యాగము - విలువైన రక్షణగా

విలసిల్లె మా బ్రతుకులో - వెలుగొందె హృదయాలలో       ||వందనం ||