సువార్త సందేశాలు

సువార్త సందేశాలు - విశ్వమంత చాటేందుకు - 2

భారత దేశమందు - ఓరైతు గృహమునందు - 2

మోజెస్‌ చౌదరిగారే నాడు అభిషేకంతో నిలిచారంట

దైవదర్శనపు జైత్రయాత్రలో ఇరువదైదేండ్లు గడిచాయంట

సువార్తతో ప్రజలందరిలో చైతన్యం పురికొల్పాలంటే

కన్నీటితో కార్యదీక్షతో నిలిచే సేవకులవసరమంట

వేలూ లక్షల ఆత్మలన్నిటిని క్రీస్తు సన్నిధిని కూర్చాలని

మరనాత విశ్వాస సమాజమును మక్కువతో స్థాపించారంట       ||సువార్త ||

క్రైస్తవ సంఘ భవితవ్యం యువతపై ఆధారమంట

సౌవార్తిక ఉద్యమంతో సిరులెన్నో నింపాలంట

వాక్యములోను నడవడిలోనూ శిక్షణ పొంది నిలవాలని

మరనాత వేదపాఠశాలను దీక్షతో స్థాపించారంట       ||సువార్త ||

తల్లిదండ్రీ దూరమవ్వగా - నా అనువారే కరువైపోగా

బాల్యజీవితం బుగ్గిపాలుగా వీధులపాలు కాకూడదని

దేవుని కొరకూ దేశం కొరకూ అక్కర కొచ్చి వర్ధిల్లాలని

అనాధలం అన్నభావమే మరచి చదువులో రాణించాలని అన్నా!

మరనాత చిల్డ్రన్‌ హోములు ప్రేమతో స్థాపించారంట!       ||సువార్త ||

తమవారెవరూ ప్రేమజూపక అనురాగంతో ఆదరించక

ఛీఛా అంటూ చీత్కరించుకొని ఇంటి బయటకు గెంటివేయగా

ఆదరణిచ్చి, ఆశ్రయమిచ్చి వృద్ధుల బాధలు మరిపించాలని

మరనాత ఆశ్రమమును ఆశతో స్థాపించారంట       ||సువార్త ||