నా మట్టుకైతే బ్రతుకుట క్రీస్తే

నా మట్టుకైతే బ్రతుకుట క్రీస్తే - చావైతే లాభము

గుంపులు నన్ను చంపుముయనుచు - కేకలు వేసి పొర్లినను

సౌలుగా నుండ మరి పౌలుగ మార్చబడన్‌

దేవుని దర్శనమొందితిని       ||నామట్టుకైతే ||

చెరసాలలో మము బంధించినను - కొరడా దెబ్బలు కొట్టినను

గానము చేయ - మరి ప్రార్ధన చేయ

బంధకములు ఊడినయపుడు       ||నామట్టుకైతే ||

ఉపవాసములతో జాగరణములతో - అరణ్య ఆపదలలో

చాల మారులు - మరి నిందలు వేలు

వేసి హింస పరచినను       ||నామట్టుకైతే ||

వెనుకటి వన్నియును మరచి ముందున్న వాటిని తలచి

వేగిరపడుచు - మరి ఓర్పుతో జనుచు

గురియొద్దకు నే చేరెదను       ||నామట్టుకైతే ||

కరువైనను సరే ఖడ్గంబుమరి - వస్త్ర హీనతయైనను

ఉన్నవియైనా - రానున్నవియైనా

ప్రభు ప్రేమనుండి యెడబాపవు       ||నామట్టుకైతే ||