ఎవరైనా ఉన్నారా ఎచటైనా ఉన్నారా

ఎవరైనా ఉన్నారా ఎచటైనా ఉన్నారా - ఈలాంటి స్నేహితుడు

నా యేసయ్యలాంటి మంచి స్నేహితుడు

ప్రేమించి ప్రాణంబెట్టిన గొప్ప స్నేహితుడు

హేతువేమి లేకుండా లాభమేమి పొందకుండా

ప్రేమ చూపువారు లేరు లోకమందునా

నేను కోరుకోకుండా నాకోసము

తనకు తాను చేసినాడు సిలువయాగము       ||ఎవరైనా ||

అంతస్థులు లేకుండా అర్హతలు చూడకుండా

జతనుకోరువారు దొరకరు ఎంత వెదకినా

నీచుడనని చూడకుండా నాకోసము

మహిమనంతా వీడినాడు ఏమి చిత్రము       ||ఎవరైనా ||

స్వార్ధమేమి లేకుండా ఫలితం ఆశించకుండా

మేలు చేయువారు ఎవరు విశ్వమందునా

ఏమి దాచుకోకుండా నాకోసము

ఉన్నదంతా ఇచ్చినాడు ఏమి త్యాగము       ||ఎవరైనా ||