మేలుకో మేలుకో

మేలుకో మేలుకో - భారత క్రైస్తవ యువకా

మేలుకో మేలుకో - క్రైస్తవ యువతీ యువకా

నేడు నీవు లేవాలి - క్రీస్తు కొరకు లేవాలి - లేచి ప్రకాశించాలి || మేలుకో ||

బీడైన భూమిలా - ఎండిన యెడారిలా

కఠినమైన శిలలా - కదిలే రెల్లులా

మోడైన జీవితాలు - నీయెదుట నున్నవి

ఓడిపోయి వాడిపోయి - రాలిపోవుచున్నాయి

నిండు యవ్వనమందే - నేటి యువతీ యువకులు

నీ సోదర సోదరీలు       ||మేలుకో ||

ముందుగతి ఎరుగక - దుర్గతిలో ఉన్నవారు

నిజస్థితిని గుర్తించక - దుస్థితిలో ఉన్నవారు

దేవునికి వ్యతిరేకులై - మతిని మార్చుకోలేక పతనమౌతున్నారు

నీ వంటి యువకులెందరో

దేవుడే లేడనుచూ - దూరమౌతున్నారు       ||మేలుకో ||

నీ ఇంటి వారిని - నీ సొంతవారిని

నీ దేశ ప్రజలను - నీ స్నేహితులను

రక్షించు భారముతో - నీ గుండె మండాలి

కన్నీటి ధారలతో - విజ్ఞాపన చేయాలి

సత్యానికి సాక్షివై రక్తమే కార్చాలి

నేటి యువతరమును - సిలువ చెంత చేర్చాలి       ||మేలుకో ||