సంతోషించుడి యందరు

సంతోషించుడి యందరు నాతో సంతోషించుడి

యొక వింతగు కీర్తన బాడ వచ్చితిని

సంతోషించుడి నాతో సంతోషించుడి       ||సంతోషించుడి||

అంధకార మయమైన భూమి నా

ద్యంతము వెలిగింప – దాని యా-వేశము దొలఁగింప

వందితుండు క్రీస్తేసు నాథుడు – వచ్చె బ్రకాశుండై

భూమికి నిచ్చె ప్రకాశంబు       ||సంతోషించుడి||

కాన నంధకారంబు దొలఁగఁ ప్ర

కాశించెను లెండు – మీరు ప్ర-కాశింపను రెండు

మానవులను సంతోష పర్చనై – మహిని నవతరించె

భక్తుల మనము సంతసించె       ||సంతోషించుడి||

మిన్ను నుండి సంతోషోదయము

మిగుల ప్రకాశించె – హృదయములఁ – దగుల ప్రకాశించె

మున్ను జేయబడిన వాగ్ధత్థము – తిన్నగ నెరవేరే

భక్తుల కన్ను లాస దీరె       ||సంతోషించుడి||

ప్రీతియైన నీ పండుగ గూర్చి

నూతన కీర్తనను – గలసికొని – నాతో పాడుచును

నీ తరి దూరస్థుల-కీ వార్తను – నే తీరును నైనఁ

దెలుపఁగ నాతురపడవలెను       ||సంతోషించుడి||

పాపులపై దేవునికి గలిగిన

ప్రబలమైన దయను – లోకమునఁ – జూపింపఁ గవలెను

జూపక పోయిన లోపము మనపై – మోపబడును నిజము

వేగము జూపుద మా పథము       ||సంతోషించుడి||