నా హృదయం పాడెనొక

నా హృదయం పాడెనొక గీతం సర్వోన్నతుని నామ స్మరణం

సంగీత సువార్త సునాదం క్రీస్తేసు సంతోష గానం

సిలువలో జరిగినట్టి - ఆ రక్షణ కార్యము కొరకై

సిలువలో చిందించినట్టి - పాపక్రయధనము కొరకై

పాడెద - కృతజ్ఞత ఈగీతం       ||నా హృదయం ||

పాపపు లోకం నుండి - నను బ్రతికించెనని

మరణపు పాశమునుండి - నను విడిపించెనని

పాడెద - విమోచన ఈ గీతం       ||నా హృదయం ||

మరణము గెల్చి ప్రభు - పరమునకేగెనని

మరల తన రాజ్యముకై - త్వరలో వచ్చునని

పాడెద - నిరీక్షణ ఈ గీతం       ||నా హృదయం ||