యేసుని నమ్మెడివారు ఆయన ఉచిత కృపతో

యేసుని నమ్మెడివారు ఆయన ఉచిత కృపతో - నీతిమంతులయ్యెదరు

ఖర్జూరపు చెట్టువలె - మొవ్వు వేయుచుండెదరు

ఖర్జూరపు మట్టలతో - రక్షణకై స్తుతించెదరు       ||యేసుని ||

లెబానోను దేవదారు - చెట్టువలె ఎదుగుదురు

ప్రభు కృప జ్ఞానములో - ఎదుగుచు నుందురు వారు       ||యేసుని ||

యెహోవా మందిరములో - నాటబడియుండెదరు

సహనముతో నిలిచెదరు - కదలక స్థిరులైయుండెదరు       ||యేసుని ||

దేవుని యావరణములో - వర్ధిల్లుచూ నుండెదరు

సేవింతురు తమ ప్రభుని - ఘనపరతురు నిరంతరము       ||యేసుని ||

ముసలితనంబున వారు - చిగురుపెట్టి ఫలింతురు

ప్రసిద్ధి చేతురు ప్రభుని - యధార్ధవంతుడనుచు       ||యేసుని ||

నీటికాలువ యోరను - నాటబడిన వారలై

మేటి సారము కలిగి - పచ్చగ నుందురు వారు       ||యేసుని ||

హల్లెలూయ పాటపాడి - వల్లభుని స్తుతింతురు

చల్లని ప్రభురాకడకై - మెల్లగా వేచి యుండెదరు       ||యేసుని ||