క్రైస్తవ జీవితం

క్రైస్తవ జీవితం సౌభాగ్య జీవితం

ప్రభు పిల్లలకు ఎంతో ఆనందం (2)

కష్టములు వచ్చినా నష్టములు వచ్చినా

యేసు ప్రభువే నా సహకారి (2)          ||క్రైస్తవ||

ఈ లోక ఘనత నన్ను విడిచినన్

లోకస్థులెల్లరు నన్ను విడిచినన్ (2)

నా సహోదరులు నన్ను విడిచినన్

యోసేపు దేవుడే నా సహకారి (2)          ||క్రైస్తవ||

నా మంచి కాపరి శ్రేష్ఠ స్నేహితుడు

శాశ్వత రాజు నా సహాయకుడు (2)

భారం నాకెందుకు వ్యాకులమెందుకు

ప్రభు ప్రజలతో నే కీర్తించెదన్ (2)          ||క్రైస్తవ||

బూర శబ్దంబు మ్రోగెడి వేళ

శ్రమ నొందిన నా ప్రభుని చూచెదన్ (2)

ఏనాడు ఎప్పుడు నీవు వచ్చెదవు

ఆనాటి వరకు నే కనిపెట్టెదన్ (2)          ||క్రైస్తవ||