మార్పు లేని దేవా

మార్పు లేని దేవా - మా యందు ఉన్నదేవా

స్తుతించి పాడి - కొనియాడి ఆరాధింతుము

హల్లెలూయా - ఆనందమే - నీయందు మాకు విజయమే

యోగ్యత లేనివారము మేము - నీ కృపకు అపాత్రులం

అయినను కృప చూపుదునంటివి - మా పక్షమున ఉందునంటివి

హల్లెలూయా యేసయ్యా - మా పక్షమందు ఉన్నావయ్యా       ||మార్పు లేని ||

నీ ఆత్మ శక్తితో దర్శించుచున్నావు - బీడైన మా బ్రతుకులన్‌

నిండుగ మెండుగ ఫలింప - చేయగల వాడవు నీవయ్యా

హల్లెలూయా యేసయ్యా - ఆత్మఫలము పండింతువు

హల్లెలూయా యేసయ్యా - దీవించి వర్ధిల్ల చేతువు       ||మార్పు లేని ||

జీవితయాత్ర ఎంతో ప్రయాసం - మార్గము శోధనమయం

నా పాదములు తొట్రిల్ల నీయక - నడిపించు చున్నావయ్యా

హల్లెలూయా యేసయ్యా - మా దాగుచోటు నీవయ్యా

హల్లెలూయా యేసయ్యా - నీవు మాతోడై ఉన్నావయ్యా       ||మార్పు లేని ||