బ్రతుకులోని వెలుగు నీవే

బ్రతుకులోని వెలుగు నీవే భావిజీవిత బాట నీవే

భారమైన జీవితమును - చేరబిలిచిన నాధ నీవే

సర్వలోకము సృష్ఠించినట్టి - సృష్ఠికర్తవు నీవె నీవే

సర్వప్రాణుల సృజించినట్టి - సదయుడవు నీవె నీవే       ||బ్రతుకులోని ||

సర్వపాలన మొనర్చునట్టి - రాజరాజవు నీవె నీవే

మరణమున్‌ జయించి లేచిన - మృత్యుంజయుడవు నీవె నీవే       ||బ్రతుకులోని ||

నాదు ప్రాణ ప్రియుడ నీవె - నాదు రక్షణ కర్తవు నీవే

నాదు కోట కొండయు నీవె - నా ఆశ్రయ దుర్గము నీవే       ||బ్రతుకులోని ||

నాదు జీవన దాతవు నీవె - నాదు జీవ మార్గము నీవే

నాలోని పిలుపు నీవె - పిలుపులోని స్వరము నీవే       ||బ్రతుకులోని ||