జీవిత యాత్రలో

జీవిత యాత్రలో - నాదు గురినీవేగా నీకు సాటి యెవ్వరు యేసువా

నీవు నడిచావు కెరటాలపై నన్ను నడిపించుమో యేసువా

నన్ను నడిపించు చుక్కాని నీవే కదా - నీవేకదా

నన్ను కాపాడు దుర్గంబు నీవేకదా - నీవేకదా

నీదు వాక్యంబు సత్యంబుగా నాకు నిరతంబు జీవంబెగా

నేను పయనించు మార్గంబెగా - నన్ను నడిపించుమో యేసువా       ||జీవిత ||

నాకు నిరతంబు మదిలోన నీధ్యానమే -నీధ్యానమే

నేను స్వరమెత్తి వినిపింతు నీ గానమే - నీ గానమే

నాకు నీవేగా సర్వస్వము - నీదు నామంబె ఆధారము

నాకు సర్వేశ్వరుడ నీవేగా - నిన్ను స్తుతియింతుమో యేసువా       ||జీవిత ||

నాదు హృదయంబు నీ దివ్య సదనంబెగా - సదనంబెగా

నీదు చిత్తంబు నేచేయ ముదమాయెగా - ముదమాయెగా

నాదు హృదయాన లెక్కింతునా నీదు ఉపకారములు యేసువా

వీటి కొరకేమి చెల్లింతును - నాదు స్తుతులందుకో యేసువా       ||జీవిత ||