యేసుని పోలిన జీవితము చాలు

యేసుని పోలిన జీవితము చాలు - తుదకు యీ భువిలో

అనుదిన మాయన అడుగుజాడలను - వెంబడింతును నేను

గెత్సెమనే వనమున వినిన - రోదన నా కొరకే

వేదన కలిగి ఆత్మలో నేను - మేల్కొని యుండుటకు       ||యేసుని ||

అల్పకాల పాప సుఖములకన్నను - శ్రమలే మేలునాకు

ఈలోక ధనము కన్నను క్రీస్తుని - నందే మహాభాగ్యం       ||యేసుని ||

ఈ ధరలో శ్రమ నిందలొచ్చినను - యేసుని నేన్‌ వీడను

ఆదరిచేరి ఆయనయందు - అనయము ఆనందింతున్‌       ||యేసుని ||

నిరాశ్రయుల ఆశ్రయస్థానము - ఆధారము నీవే

నిస్సహాయుల సహాయము దివ్య - ఆదరణయు నీవే       ||యేసుని ||

సముద్రమయిననూ సమతలమయినను - సదా సేవించెదన్‌

కొండలయిననూ బండలయిననూ - అడ్డగించవు నన్ను       ||యేసుని ||

జలములైనను జ్వాలలయినను - జడవను నేనిలలో

జాలికలిగిన నాధా - నీదు జ్యోతిగా చేయునన్ను       ||యేసుని ||

స్వర్గలోక సమ జీవితమునాకు - సాధ్యమాయెను సుమా

స్వర్గ సింహాసనీయుడు నాలో - నివాసమున్నందున       ||యేసుని ||

ఆనందమే పరమానందమేసదా - క్రైస్తవ జీవితము