Verse
ఆ మధ్య రాత్రిలో బేత్లెహేము పురములో
పశువుల శాలలో ప్రభుయేసు జన్మము
జగమే వెలుగై నిండినరాత్రి
చీకటి తొలగి పోయినవేళ
దేవుడే మనకు తోడుండగా
Verse
దేవుని ప్రత్యక్షతలు లేని కాలములో
దేవుని స్వరమే వినబడని చీకటి కాలములో
నిరాశలో జనులందరు
మెస్సయ్య కోసమే ఎదురు చూసిన వేళ
మానవ రూపం దాల్చెను
యేసుక్రీస్తుగా జన్మించెను
Verse
దేవుని పరిశుద్ధ ఆలయము అపవిత్రమైన వేళలో
జనులెవ్వరు బలియార్పణలు అర్పించని కాలములో
నిరాశలో జనులందరు
మెస్సయ్య కోసమే ఎదురు చూసిన వేళ
మానవ రూపం దాల్చెను
యేసుక్రీస్తుగా జన్మించెను
Verse
కాలము సంపూర్ణమైన ఆ వేళలో
పరలోక మహిమను విడచి మనుజావతారునిగా
దిగివచ్చెను పరమాత్ముడే
మనపాప శాపములను తీసివేయుట కోసం
మానవ రూపం దాల్చెను
యేసుక్రీస్తుగా జన్మించెను