ఎంత చక్కని దోయి

ఎంత చక్కని దోయి యేసయ్య మాట

ఎంత పరిమళమోయి ఆ మాట బాట || ఎంత ||

పాపాంధకారములో పడియున్న నన్ను - వెలుగు కిరణమై దర్శించినది

హృదయపు చీకటి తొలగించి వేసి - నిత్యానందముతో నను నింపినది       ||ఎంత ||

నా పాదములకు దీపము వలెను - నా త్రోవకును వెలుగైయుండి

నూతనమైన మార్గములన్నిటిలో - నిత్యము నన్ను నడిపించుచున్నది       ||ఎంత ||

జుంటె తేనె ధారల కన్నా - నా హృదయమునకు మధురమైనది

అపరంజి, బంగారు కన్నా - ఆ మాటే నాకు అతి ప్రియమైనది       ||ఎంత ||