మధురం మధురం మధురమే

మధురం మధురం మధురమే శ్రీయేసుని నామ స్మరణం

మధురాతి మధురం మధురమే ప్రభుయేసుని వాక్య ధ్యానం

నాదు బ్రతుకునే దర్శించి - చేదు జీవితం ఛేదించి

మధుర మకరందమందించి - మదిలో సిరులే కురిపించి

మహిమాత్మతో నను వెలిగించిన యేసుని నామం యేసుని వాక్యం

సర్వజ్ఞాని ప్రభుయేసే - సర్వవ్యాపి శ్రీయేసే,

సర్వశక్తి సంపన్నుడు యేసే సర్వోన్నతుడు యేసే - 2

మా మదినే గుడిగా మలచి - మా గుండెల్లో కొలువుండి - 2

వెతలను బాపి స్థితులను మార్చిన స్తుతులకు పాత్రుడు యేసే       ||మధరం ||

ఆత్మరూపి ప్రభుయేసే - వాగ్రూపి శ్రీయేసే

అంతరంగమున ఆత్మదీపమును వెలిగించినది యేసే - 2

అక్షయమైన జీవాహారంతో-అంతకంతకు మహిమను నింపుతూ - 2

అంతమువరకు ఎంతో ప్రేమను వింతగ చూపును యేసయ్యా       ||మధరం ||