క్రీస్తు సైన్యమై సమైక్యమై

క్రీస్తు సైన్యమై సమైక్యమై - కదనరంగమందు దూకుదాం

సజీవ వాక్య కరవాలం దూసి - చీకటి శక్తులను కూల్చుదాం || క్రీస్తు ||

రాజులైన యాజక సమూహమై - రాజ వంశపు గౌరవార్ధమై

రాజ ఠీవితో - సదా రాజభక్తితో

రాజ్యమునకై పోరాడెదన్‌ - రాజు ఏసుతో నిలిచెదం       ||క్రీస్తు ||

మన రాజు యేసుపై లక్ష్యముంచెదం - అక్షయ రాజ్యమునకై నిరీక్షించెదం

నశించు ఆత్మలను - రక్షించు లక్ష్యంతో

దీక్షతో పోరాడెదమ్‌ - సాక్ష్యులై జీవించెదమ్‌       ||క్రీస్తు ||

జీవితమే అవిరామ సంగ్రామము - సర్వాంగ కవచమే ధరించుకుందాము

విశ్వాస వీరులమై అపవాది నోడించి

సిలువ ధ్వజం ఎగుర వేసెదం - క్రీస్తు మహిమ ధరను చాటెదం       ||క్రీస్తు ||