యధార్ధహృదయుల విన్నపాలను

యధార్ధహృదయుల విన్నపాలను ఆలకించుదేవా

దీనమనస్కులను దీవించే ప్రభువా - 2

నీ సన్నిధిలో చేరి ప్రార్ధించగా

నీ కృప కొరకు నేను కనిపెట్టగా

ఆలకించితివి ఉత్తరమిచ్చితివి - 2 || ఆరాధనా ||

కృంగిన వేళలో నిరాశలోయలలో

మా దరి చేరి లేవనెత్తి ఉద్దరించితివి - 2

వేల్పులలో నీవంటి వారెవ్వరూ - నీవు గాక మాకిలలో దిక్కెవ్వరూ

నీవే సత్యదేవుడవు - నీవే నిత్య దేవుడవు - 2       ||యధార్థ ||

హృదయ రహస్యములు - ఎరిగిన దేవుడవు

అంతరంగములో సత్యమును - కోరుచున్నవాడవు - 2

మా హృదిలో ప్రతి అణువు నీ తలపులె - మా ప్రతి కదలిక నీ వైపే

నీ చిత్తమంతయు మాలో జరిగించుము దేవా - 2       ||యధార్థ ||