ఏ పాపమెరుగని

Ae Paapamerugani

Lyricist: Yarmanishetti Daaveedu

Verse

ఏ పాపమెరుగని యో పావన మూర్తి పాప విమోచకుండా

నా పాలి దైవమా నా పాపముల కొర కీ పాట్లు నొందినావా

Verse

ముళ్ళతో కిరీట – మల్లి నీ శిరముపై – జల్లాటమున మొత్తిరా

ముళ్ళ పోట్లకు శిరము – తల్లడిల్లగ సోమ్మ – సిల్లిపోతివ రక్షకా‖ ఏ పాప ‖

Verse

కలువరి గిరి దనుక – సిలువ మోయలేక – కలవరము నొందినావా

సిలువ నీతో మోయ – తులువలు వేరొకని – తోడుగా నిచ్చినారా‖ ఏ పాప ‖

Verse

చెడుగు యూదులు బెట్టు – పడరాని పాట్లకు – సుడివడి నడచినావా

కడకు కల్వరి గిరి – కడ కేగి సిల్వను – గ్రక్కున దించినావా‖ ఏ పాప ‖

Verse

ఆ కాల కర్ములు – భీకరంబుగ నిన్ను – ఆ కొయ్యపై నుంచిరా

నీ కాలు సేతులు – ఆ కొయ్యకే సూది – మేకులతో గ్రుచ్చినారా‖ ఏ పాప ‖

Verse

పలువిధంబుల శ్రమలు – చెలరేగ దండ్రికి – నెలుగెత్తి మొరలిడితివా

సిలువపై పలుమారు – కలుగుచుండెడి బాధ – వలన దాహము నాయెనా‖ ఏ పాప ‖

Verse

బల్లిదుండగు బంటు – బల్లెమున నీ ప్రక్క – జిల్లి బడ బొడచినాడా

ఉల్లోలములవలె నల్ల నీరుబుకంగ జల్లారె గద కోపము‖ ఏ పాప ‖

Verse

కట కటా పాప సం – కటము బాపుట కింత – పటు బాధ నొందినావా

ఎటువంటిదీ ప్రేమ – యెటువంటిదీ శాంత – మెటుల వర్ణింతు స్వామి‖ ఏ పాప ‖