ఆనందమానంద మాయెను నాదు ప్రియకుమారుని యందు

Anandamananda Mayenu Naadu Priyakumaruni Yandu

Chorus

ఆనందమానంద మాయెను - నాదు

ప్రియకుమారుని యందు - మహాదానంద

Verse

నా తనయుని మాట వినండని

శబ్దమొక్కటి యా మేఘములో

ఉద్భవించె నద్భుతముగ

Verse

ప్రేమించుచున్నాను నీతిని - దుర్నీతిని ద్వేషించినావు - నీవు

అందుచే నీతోటి వారికంటె - ఆనంద తైలముతో తండ్రి నిన్ను

అధికంబుగ నభిషేకించెను‖ మహానందమానంద ‖

Verse

అంత్య దినముల యందున - ఆ వింత కుమారుని ద్వరా - ఈ

మానవులతోడ మాట్లాడెను - సర్వంబునకు తండ్రి తనయుని

వారసునిగా నియమించెను‖ మహానందమానంద ‖

Verse

తనయుండె ఆ తండ్రి మహిమ - ఆ తత్వంపు రూపంబు తానే

మహాత్మ్యమైనట్టి మాటచేత - నమస్తమును నిర్వహించుచు

అందరిలో అతి శ్రేష్టుండాయె‖ మహానందమానంద ‖

Verse

నీవు నాదు కుమారుండవు - నిన్ను ప్రేమించి కన్నాను నేను - నేడు

దండిగ తనయుని ముద్దాడెను - నిండుగాయన నాశ్రయించుడి

రండి రండి ధన్యులు కండి‖ మహానందమానంద ‖

Verse

విజ్ఞాన సంపాద లెల్లను - ఆ సుజ్ఞానిలో గుప్తమాయెను - ఆ

సంతోషమును పరిశుద్ధత - నమాధానము నీతి శక్తియు

విమోచన మాయెను యేసు‖ మహానందమానంద ‖

Verse

అందరికన్నా నీవెంతనో అతి సుందరుడవై యున్నావు - నీవు

నీ పెదవులమీద పోయబడి - నిండి యున్నది దయారసము

నిన్నాశీర్వదించెను తండ్రి‖ మహానందమానంద ‖

Verse

దివ్య రారాజై కుమారుడు - ఒక వెయ్యి వర్షాలు పాలించును - మహా

అంతము లేని రాజ్యమేలును - ఎందరు జయంబు నొందుదురో

అందరును పాలించెదరు‖ మహానందమానంద ‖