Verse
ఆనందము ఆద్యంతము
నీతో నామది సంబంధము
ఆశ్చర్యము అసమానము
ఈ దీనునికై నీవిచ్చిన స్థానము
నా తోడుగా యేసు నీవుండగా
నా హృదయమునకు భద్రత నిండుగా
నీ సన్నిధి నా ముందుండగా
అతిశయించి నే పరవశము పొందగా
Verse
ఈ లోకము నా దేహము
నన్నెంతగానో నిష్ఫలుని చేసెను
మతిమాలిన క్రియలన్నియూ
మృతమైన స్థితికి నను మార్చెను
నా యేసు నాధా నీ స్నేహము
తొలగించె నా శాపకర మార్గము
జవ జీవమంతా జత చేయుచూ
జయ కేతనముగా నను మార్చెను
Verse
వెలిగింపు లేక జ్ఞానిని కాగలనా
వివరంబు లేక గ్రహియింప తరమా
తరుణంబు లేక వరమొందగలనా
నడిపింపు లేక గురి చేరగలనా
నీ సన్నిధి నను నిల్పుచూ
ఈవులన్నియూ దానమీయుచూ
నెమ్మదంతయూ మనసున నిండ
మరువనుగా అందిన సాయము నీవలన