ఆనందించెదము యెహోవాలో అతిశయించును మాదు ఆత్మ

Anandhinchedamu Yehovalo Athishayinchunu Maadhu Aathma

Chorus

ఆనందించెదము యెహోవాలో

అతిశయించును మాదు ఆత్మ

రక్షణ వస్త్రములతో యెహోవా మమ్ము

నీతి వస్త్రమున్ ధరింప జేసె

Verse

పరదేశులు మమ్ము ప్రభువా దేవా

నీదు యాజక సేవకులనెదరు

జగమున జనముల భాగ్యంబిచ్చి

ప్రభవింతు రంటివి ప్రభావముతో

Verse

అన్యులు చేసిన అవమానమునకు

ప్రతిగా మాకు రెట్టింపు ఘనతను

నిందకు ప్రతిగా పొందిన భాగము

అనుభవించుచు హర్షింతు రంటివి

Verse

వారు తమదు దేశమునందు

రెట్టింపు భాగమునకు కర్తలౌదురు

నిత్యానందము వారికి కలుగును

ఎన్నడు వారిని విడువ నంటివి

Verse

న్యాయము చేయుట నాకెంతో ప్రీతి

అన్యాయపు సొత్తు నా కసహ్యము

సత్యముబట్టి ప్రతిఫల మిచ్చుచు

నిత్య నిబంధన చేసెదనంటివి

Verse

జనములకు వారి సంతతి తెలియును

జనముల మధ్యను ప్రసిద్ధి నొందును

యెహోవా ఆశీర్వదించిన జనమని

ఒప్పుకొందురు చూచినవారు

Verse

భూమి మొలకను మొలిపించినట్లుగా

తోటలో మొలిచిన విత్తనమువలె

జనముల యెదుట ప్రభు యెహోవా

నీతిస్తోత్రములను ఉజ్జీవింపజేయును

Verse

క్రీస్తునందు మాకిచ్చినయట్టి

ఆత్మ బంధిత ప్రతి ఆశీస్సులకై

సర్వోన్నతుడా సన్నుతించుచు

హల్లెలూయ స్తోత్రముల్ ఆరోపింతుము