Verse
అసలైన క్రిస్మస్ మన జీవితమే
ఆరాధన అంటే జీవన విధానమే
క్రిస్మస్ అంటే క్రీస్తు కోసం బ్రతకడమే
ఇంటా బయట క్రీస్తును ప్రతిబింబించడమే
క్రిస్మస్ అంటే క్రీస్తులా జీవించడమే
ఏదేమైన దేవుని చిత్తం చేయడమే
మాటల్లో ఆరాధన
చేతల్లో ఆరాధన
బ్రతుకంతా ఆరాధన
అదేగా మనకు దీవెన
Verse
క్రిస్మస్ తారను చూడు
వెదజల్లే వెలుగును చూడు
జ్ఞానులకే మార్గము చూపిన
దేవుని జ్ఞానం చూడు
దేవుని కొసం వెలిగే తారవు నీవైతే
క్రీస్తుని చేరే మార్గం లోకం కనుగొనదా
ఇదియే ఆరాధన
నిజ క్రిస్మస్ ఆరాధన
Verse
పశువుల తొట్టెను చూడు
పవళించిన క్రీస్తును చూడు
ప్రజలందరిని రక్షించుటకై
దాసుని రూపము చూడు
క్రీస్తుకు ఉన్న దీన స్వభావం నీకుంటే
దేవుని ప్రేమ నలుదిశలా వ్యాపించునుగా
ఇదియే ఆరాధన
నిజ క్రిస్మస్ ఆరాధన
Verse
గొల్లలు జ్ఞానులు చూడు
శుభవార్తను నమ్మిరి చూడు
యేసును చూసే ఆశను కలిగి
ముందుకు సాగిరి చూడు
యేసుని చూసే ఆశను కలిగి జీవిస్తే
దేవుడు నిన్ను నిశ్చయముగ దర్శించునుగా
ఇదియే ఆరాధన
నిజ క్రిస్మస్ ఆరాధన