ప్రేమామృత ధారలు చిందించిన

ప్రేమామృత ధారలు చిందించిన మన

యేసుకు సమమెవరు ఆ... ఆ...

ప్రేమయె తానై నిలచి - ప్రేమోక్తులనే పల్కి

ప్రేమతో ప్రాణముబెట్టి - ప్రేమనగరికి చనియె ఆ... ఆ...

నిశ్చలమైన ప్రేమమూర్తికి - ఇలలో తావేది ఆ... ఆ...

ప్రేమద్రోహులేగాని - ప్రియమున జేరరువాని

చేరిన చెలికాడగురా - సమయమిదే పరుగిడరా ఆ... ఆ...       ||ప్రేమ ||

ఎంతఘోర పాపాత్మునియైనా - ప్రేమించును రారా ఆ... ఆ...

పాపభారముతోరారా - పాదములపై బడరా

పాపుల రక్షకుడేసు - తప్పక నిన్ను రక్షించున్‌ ఆ... ఆ...       ||ప్రేమ ||

ఇంత గొప్ప రక్షణను - నిర్లక్ష్యము చేసెదవేల ఆ... ఆ...

రక్షణ దినమిదియేరా - తక్షణమే కనుగొనరా

ఇదియే దేవుని వరము - ముదమారగ చేసుకొనుము ఆ... ఆ...       ||ప్రేమ ||