దైవ రూపముగా మారి

దైవ రూపముగా మారి - దేవునితో నుందును నేను

ఆ దినము సమీపించును - అతి త్వరలో నెరవేరును

మంటి రూపము వదిలి నేను - దైవ రూపము పొందెదను       ||దైవ ||

మట్టి గుడార మెల్లప్పుడు - బలహీనమై నశించునది

చేతులతో చేయబడని - నిత్యగృహములో జీవించెదన్‌       ||దైవ ||

సొమ్మసిల్లెడి మనుష్యుడు - శోధనలో బలము నొందన్‌

ఆదరించెడి ఆదరణకర్త - ఆత్మనాలో నివసించును       ||దైవ ||

ముద్రించెను ఆత్మతోను - ఆయత్తమై చేరుటకు

జీవము నాదు క్రీస్తేసు - చావు నాకీయును       ||దైవ ||

కాచుకొని ప్రార్ధించి - పక్షివలె పైకెగిరి

జీవయాత్ర చేసి ముగించి - జీవ కిరీటము పొందెదను       ||దైవ ||

ముగ్గురిలో ఒకడైనా - ప్రభువుని ముఖాముఖిగ

దర్శించుటకు నా హృదయము - వాంఛతో రమ్మనుచున్నది       ||దైవ ||

ఉన్నత సీయోనులోను - ప్రియమైన యేసుతోను

జీవించెదను సంతోషముగ - ప్రార్ధన ఇంటిలో నిత్యము       ||దైవ ||