గగనాన ఓ తార

గగనాన ఓ తార కనిపించె జ్ఞానులకు

యేసు పుట్టుకను ప్రకటించుచు - 2

దివ్య మహిమతో జన్మించె రారాజు

మన హృదయాలు వెలిగించ ఈ రోజు - 2 || గగనాన ||

సర్వోన్నతుడైన దేవునికి మహిమ

భువిపై మనకు సమాధానము - 2

అని ప్రకటించిరి దూత గణములు

ప్రవచన వాక్కు నెరవేర్పుగా - 2       ||గగనాన ||

మానవుల యెడల మన తండ్రి ప్రేమ

నెరవేర్చుటకై భువికేతెంచెన్‌ - 2

దేవదేవునికి ఏకైక కొమరునిగా

తండ్రి చిత్తమును జరిగించగా - 2       ||గగనాన ||