శిరము వంచెను సర్వలోకం

శిరము వంచెను సర్వలోకం యేసుదేవా నీముందు

సంతసించెను ప్రతీహృదయం రక్షకా నీ జన్మయందు

పుట్టిపెరిగి రాజులయ్యేది సహజము

రాజుగానే ఉదయించినావు చిత్రము

మహిమ సింహాసనం విడిచి నాకోసము

పశులపాకలో పుట్టినావు స్తోత్రము

యుద్ధముచేసి రాజ్యమేలేది సహజము

శాంతిరాజ్యము స్థాపించినావు చిత్రము

పరలోకానందము చేసితివి త్యాగము

మంటిదేహము దాల్చినావు స్తోత్రము

పుట్టి ఒకడు తనను ఎరుగుట సహజము

ముందే ఎరిగి జన్మించినావు చిత్రము

మార్పుచేసుకొని నీ మహిమ రూపము

మనిషిరూపులో వచ్చినావు స్తోత్రము