సౌవార్తికుడా ఓ

సౌవార్తికుడా ఓ సౌవార్తికుడా

ప్రభుతోడులో అడవి దారిలో

పయనించు ఓ బహు ధన్యుడా || సౌవార్తికుడా ||

యెరికో నగరు కూల్చిన వీరుడా - ఈ హాయి గ్రామాన పడిపోతివా

శాపాత్ముడైన ఆకాన్నుజంపి - పరిపూర్ణతలోనికి పయనించుమా       ||సౌవార్తి ||

బయలే యెజెబేలై నిన్‌ బెదిరించగా - భీతిల్లి బదరాల నిదురింతువా

లేలెమ్మయా ఓ ఏలియా - బలశాలివై గొప్పపని చేయుమా       ||సౌవార్తి ||

తిబెరయ తీరాన తిరుగాడుచూ - భృతికోసమై స్వంత వలవేతువా

ఆత్మల సంపాదించేదెవరు - సంతాపపడి సాక్షివై నిలువుమా       ||సౌవార్తి ||

అవమానమవరోధమార్ధికలేమి - శోధించి బాధించి వేధించగా

అలుపాయెనా నిరాశాయెనా - గెలిపించు ప్రభుజూచి విజయించుమా       ||సౌవార్తి ||

పానార్పణము చేయబడు పౌలుగా - బహుమతి పోరాటమును పోరుమా

ప్రభువచ్చును పరీక్షించును - నిత్యంబు నిలచేటి పనిజూపుమా       ||సౌవార్తి ||