సిలువ రుధిరం నా క్రయధనం

సిలువ రుధిరం నా క్రయధనం - అమూల్యమైనది

కలువరి ప్రేమ కలలోనైనా - మరువ జాలనిది || సిలువ ||

సిలువయే నా ప్రియుని ఉన్నత ప్రేమ సంకేతము

సిలువలోనే జరిగెను నా పాప పరిహారము

విలువేలేని జీవితానికి - విలువ చేకూర్చె నీ సిలువే       ||సిలువ ||

సిలువ విజయం సాతానునికి ఘోర అపజయము

సిలువయందె విరచె ప్రభువు మరణపు ముల్లును

పునరుత్థానుడై ప్రభువగు యేసు మరణ భయమును తొలగించెను       ||సిలువ ||

సిలువ వార్త దేవుని శక్తియై నన్ను బలపరచెను

నశించిపోయే వారికి అది వెఱ్ఱితనమాయెను

సిలువ యందు అతిశయింతును - సిలువనే భరించెదను       ||సిలువ ||

సిలువలోనే చూచితి సింహాసనా దర్శనం

సిలువ నీడలో సాగిపోయి చేరెద సీయోనుకు

సర్వశక్తుని సన్నిధిలో సదాపాడెద నూతన గీతమును       ||సిలువ ||