కల్వరిగిరిలోన సిల్వలో

కల్వరిగిరిలోన సిల్వలో శ్రీయేసు

పలు బాధలొందెను – ఘోరబాధలు పొందెను (2)

నీ కోసమే అది నా కోసమే (2)

ప్రతివానికి రూపు నిచ్చె

అతనికి రూపు లేదు (2)

పదివేలలో అతిప్రియుడు

పరిహాసములనొందినాడు (2) ||నీ కోసమే||

వధ చేయబడు గొర్రెవలె

బదులేమీ పలుకలేదు (2)

దూషించు వారిని చూచి

దీవించి క్షమియించె చూడు (2) ||నీ కోసమే||

సాతాను మరణమున్ గెల్చి

పాతాళ మందు గూల్చి (2)

సజీవుడై లేచినాడు

స్వర్గాన నిను చేర్చినాడు (2) ||నీ కోసమే||