అన్ని వేళలందు మాకు

అన్ని వేళలందు మాకు ఆశ్రయ దుర్గము నీవే

మా ఆత్మకు అనుదిన జీవాహారం జీవజలము నీవే

నీవులేని జీవితం శూన్యం యేసయ్యా

నిన్ను కలిగిన జీవనం ధన్యం యేసయ్యా - 2

మా దోషము నంతయు నిలువున భరియించితివి

మా శాపము నంతయు సిలువలో సహియించితివి

చీకటినిండిన బ్రతుకులలో జీవపు వెలుగును నింపితివి

సజీవసాక్షులుగా నీ పనికై యిల నిలిపితివి

నీ ప్రేమే మధురం - నీ కృపయే నిరతం - నీ సిలువే శరణం       ||అన్ని ||

రక్షణ భాగ్యమును నిత్యము నిలిచే స్వాస్థ్యముగా

సంరక్షించుకునే సహనము శాంతము మాకిమ్ము

విశ్వాస పరీక్షలన్నిటిలో విశిష్టవిజయము వరించగా

విరిగిన హృదయముతో నీ సన్నిధిచేరి వేడెదము       ||నీ ప్రేమే ||

సర్వము నీవని సదయుడ నీవని సతతము నిన్నే సన్నుతించి

అమరుడ నీవని ఆశతోచేరి ఆత్మతో ఆరాధించెదము