ప్రభు ప్రేమ తొలికేక

ప్రభు ప్రేమ తొలికేక - హృదయములో ప్రతి ధ్వనియించె

పాపక్షమ - యేసునిలో - శరణునొసంగుచు కనిపించె

పాపవికారము పొడసూప - జీవిత విలువలు మరుగాయె

పతితనుగా లోకములో - బ్రతుకుటయే నాగతియాయె

పలువురిలో కనబడలేక - దాహముతో నేనొంటరిగా

బావికని పయనింప - నాధుని దర్శన మెదురాయె

పావనుడు దాహముతో - పానము నిమ్మని ననుకోరె       ||ప్రభు ||

జాతిని చూడని నేత్రముతో - పాపము సోకని హృదయముతో

జాలిని చాటించుచునే - తాకెను నామది వేదనతో

జాప్యము చేయక తెమ్మనియె - దాచుకొనిన నా పాపమును

జడియుచునే తెలిపితిని - ప్రభువెెరిగిన నానిజస్థితిని

జయమొందె నా తనువు - సరిగనుడితివని ప్రభు తెలుప       ||ప్రభు ||

దేహమునే నా సర్వముగా - భావించుచు మది పూజింప

దినదినము జీవితము - చావుగ మారిన కాలములో

దేవునిగా నా బంధువుగా - మరణ ప్రవాహము ఛేదించి

దరిచేర్చి దీవించి - నూతన జన్మ ప్రసాదించే

దయ్యాల కుహరమును స్తుతి మందిరముగ రూపించే       ||ప్రభు ||

పాపము దాగొను నాబావి - లోతును ఎరుగని వారెవరు

పోరాట వాటికయౌ - నా బ్రతుకును జూచిన దెవరు

పాపికిని పాపమునకును - భేదము జూపిన వారెవరు

పాపిని కాపాడుటకై - సిలువ ధరించిన వారెవరు

పరదైసుద్వారములు - ప్రేమతో తెరిచెను నా కొరకై       ||ప్రభు ||